Skip to Content
phBot · أسئلة وأجوبة

أسئلة phBot

كل سؤال وإجابته بالصور. نبدأ بالأساس: إزاي تضيف السيرفر، وتظبط المانجر، وتشغّل — والمثال على سيرفر WeldoR.

١محتاج إيه قبل ما تبدأ؟

أربع حاجات بس:

  • اللعبة نفسها متسطّبة — فولدر السيرفر اللي فيه Media.pk2.
  • phBot — البوت نفسه.
  • ProjectHax Manager — المانجر اللي بيشغّل الأكونتات كلها من مكان واحد.
  • حساب على ProjectHax فيه اشتراك — ده اللي بتعمل بيه لوجين في البوت.

البوت والمانجر الاتنين بتنزّلهم من موقع projecthax.com.

مهم: شغّل phBot والمانجر Run as administrator — من غيرها البوت مش هيعرف يفتح اللعبة.

٢إزاي أضيف السيرفر في phBot؟

ده أول حاجة وبتتعمل مرة واحدة بس لكل سيرفر.

  1. افتح phBot واعمل لوجين بحساب ProjectHax.
  2. هتطلعلك رسالة Choose your locale — اختار Private Server.
  3. هتفتحلك شاشة Edit Private Servers. أول حاجة اختار فولدر اللعبة من زرار ... جنب Path — البوت بيقرا منه بيانات السيرفر ويملا أغلب الخانات لوحده.
  4. راجع الخانات زي الجدول تحت، واضغط Save / Add.

رسم لشاشة Edit Private Servers بقيم ويلدور الحقيقية

الخانةتكتب إيهويلدور
1القايمةكل السيرفرات اللي ضفتها. * New = سيرفر جديد.* New
2Nameأي اسم تختاره — بس افتكره، هتكتبه في المانجر بالحرف.Weldor
3Divisionبيتملا لوحده من فولدر اللعبة.DIV1
4Hostsعنوان الجيتواي والبورت جنبه — بيتملوا لوحدهم.gw.weldor.online 35779
5Versionنسخة الكلاينت — بتتملا لوحدها.293
6Serversاسم السيرفر زي ما بيظهر في شاشة اختيار السيرفر في اللعبة. تكتبه وتضغط A.Weldor
7Captchaسيبها فاضية لو السيرفر مالوش كابتشا.فاضية
8Pathفولدر اللعبة — ابدأ بيه.فولدر WeldoR
9Typeنوع نسخة السيرفر. أغلب السيرفرات 1.188.1.188 (most servers)
ويلدور مجرد مثال: كل سيرفر أرقامه مختلفة. اختار فولدر السيرفر بتاعك والبوت هيجيب أرقامه هو.

٣عايز أضيف أكتر من سيرفر؟

نفس الخطوات بالظبط، كل سيرفر لوحده.

  1. افتح Edit Private Servers تاني، ومن القايمة اللي فوق (رقم 1) اختار * New.
  2. اختار فولدر السيرفر التاني من Path، واكتبله Name مختلف، واضغط Save / Add.
  3. في المانجر: اعمل جروب لكل سيرفر (الخطوة الجاية) — كده كل أكونت عارف هو تبع أنهي سيرفر.
سيرفر Weldor في phBot← جروب Weldor في المانجر
سيرفر Server 2 في phBot← جروب Server 2 في المانجر
Manager with two servers
سيرفرين في المانجر: 1 جروب ويلدور وتحته أكونته — 2 جروب السيرفر التاني وتحته أكونته

٤إزاي أظبط المانجر؟

المانجر بيفتح البوت واللعبة ويعمل لوجين بالشخصية لوحده — بس محتاج تعرّفه الأكونت مرة واحدة.

  1. افتح المانجر واضغط + اللي تحت على الشمال.
    Manager plus button
  2. اكتب اسم الجروب — سمّيه باسم السيرفر عشان ماتتلخبطش — واضغط OK.
    Enter new group name
  3. اختار الجروب، ومن Locale اختار Private Server.
    Locale list
  4. املا بيانات الأكونت:
    Account settings
    • 1Locale = Private Server.
    • 2Private Server = نفس الـName اللي كتبته في phBot بالحرف — هنا Weldor.
    • 3يوزر وباسورد الأكونت بتاعك في اللعبة.
    • 4اسم الشخصية اللي هيدخل بيها.
    • 5Reconnect on disconnect — لو النت فصل يدخل تاني لوحده.
    • 6Start the Silkroad client — يفتح اللعبة مع البوت.
    • 7phBot path — علّم عليها واختار ملف phBot.exe من زرار ....
    • 8اضغط Save.
  5. هيطلب منك اسم للأكونت (ده اسم بيظهر في المانجر بس) — اكتبه واضغط OK.
    Enter new account name
  6. الأكونت ظهر تحت الجروب. لونه أحمر يعني لسه مش داخل اللعبة.
    Account under the group
عندك أكونت تاني على نفس السيرفر؟ اختار جروب السيرفر وكرّر الخطوات من رقم 3.

٥إزاي أشغّل؟

أكونت واحد، أو كله مرة واحدة.

أكونت واحد

كليك يمين على الأكونت:

Account right-click menu
  • 1Start — يشغّل الأكونت: يفتح البوت واللعبة ويدخل بالشخصية.
  • 2Stop — يوقفه.
  • 3Add to startup — يحطه في قايمة الأكونتات اللي بتشتغل أوتوماتيك.

كل الأكونتات مرة واحدة

من فوق: Manager ← Start All.

Manager menu Start All
عايز أكونت مايشتغلش مع الباقي؟ علّم في إعداداته على Do not start with start all.

؟أسئلة بتتسأل كتير

المانجر بيفتح البوت بس مش بيدخل السيرفر؟
غالبًا الاسم مش متطابق. خانة Private Server في المانجر لازم تبقى نفس الـName اللي في phBot بالحرف — Weldor غير weldor.
phBot مش راضي يفتح اللعبة؟
شغّل البوت والمانجر Run as administrator. واتأكد إن الـPath في phBot هو فولدر اللعبة اللي فيه Media.pk2. ولو الأنتي فايرس بيمسح ملفات البوت، ضيف فولدره في الاستثناءات.
أجيب منين أرقام السيرفر لو مااتملتش لوحدها؟

كلها جوّه ملف Media.pk2 بتاع السيرفر:

الخانةالملفويلدور
Division + HostsDIVISIONINFO.TXTDIV1 gw.weldor.online
البورتGATEPORT.TXT35779
VersionSV.T293

وأسهل من كده: اسأل في ديسكورد السيرفر نفسه.

أختار إيه في Type؟
أغلب السيرفرات 1.188 (most servers) — وويلدور منهم. لو السيرفر مبني على نسخة تانية هتلاقيها في نفس القايمة.
أعمل جروب لكل أكونت ولا لكل سيرفر؟
لكل سيرفر. الجروب = سيرفر، والأكونتات اللي على نفس السيرفر كلها تحته.
عايز أشغّل أكونتات كتير على جهاز ضعيف؟
علّم على Go clientless after entering the game — اللعبة بتتقفل بعد ما الشخصية تدخل، والبوت يكمّل من غيرها، فبيوفّر رامات كتير.
ليه اسم الأكونت أحمر؟
يعني مش داخل اللعبة دلوقتي. والعدّاد اللي تحت (0/0 in game) بيقولك كام أكونت جوّه اللعبة من كام.
صفحة iSRO-R شرح الجوب بالعربي